خلي بالك من زوزو

ممرحبا بك أختي الكريمة في منتدى خلي بالك من زوزو – منتدى نسائي للمرأة فقط حيث يمكنك قضاء أوقات مفيدة وممتعة مع أخواتك وتكوين صداقات جديدة ومشاركتهن في كل الاهتمامات لكم من مدام زوزو كل الود والاحترام
خلي بالك من زوزو

منتدى نسائي عربي خاص بكل مايهم المراة العربية


    طاجن بط بالارز

    شاطر
    avatar
    اميرة القلوب
    عضو ملكي
    عضو ملكي


    عدد المساهمات : 225
    تاريخ التسجيل : 09/08/2010

    طاجن بط بالارز

    مُساهمة من طرف اميرة القلوب في السبت أكتوبر 16, 2010 7:51 am

    حقولكم وصفة حلوة قوى لعمل طاجن بط مع الرز فى الفرن نىء فى نىء



    بس والله عن تجربة .. تجربة ايييه عن تجارب وخبرة .. لدرجة لما يكون عندى عزومة والله الضيوف بيطلبوه بالأسم .



    هو سهل جداا جداا .. بس لما تقرؤه حتستصعبوه فى الأول ، لكن بعد اول محاولة حتلاقوا ان الموضوع سهل جداا.. لدرجة انك حتسيبيه فى الفرن يستوى وانتى تعملى باقى الأكل.. ومش حتحملى همه لأن نار الفرن حتكون وطية خالص والطاجن فى حمام مائى.





    وممكن طبعا تعمليه لأهل بيتك بدون عزومات ولاحاجة





    يلا بينا نشوف اييه حكاية طاجن البط ده



    بس ارجو اتباع الخطوات " التكنينك على رأى الشيف حسن " بكل دقه





    *





    *





    *
    المقادير




    · بطة متو[ندعوك للتسجيل في المنتدى أو التعريف بنفسك لمعاينة هذا الرابط]سطة الحجم



    ·2كوب رز مغسول



    ·2كــــوب لبن



    ·1كــــوب ميه



    ·فلفل اسود كــير



    ·ملح + 2بصــلة






    الوصفة




    1 – تغسلي البطة كويس قوى وتتركها في المصفى لمدة تلت ساعة لتنزل ميتها.. علشان مايبقاش طعمها زفر.





    [ندعوك للتسجيل في المنتدى أو التعريف بنفسك لمعاينة هذا الرابط]






    2 – يستحسن تقطعي البطة الى 8 قطـع وتنقعيها في التتبيلة المكونة من ( حلقات البصل+ الملح+ الفلفل الأسود+ عصير ليمون خفيف+عصيربرتقال ) لمدة ساعتان أو اكتر.






    3 – نضفى قطع البط من التتبيلة الســـــابقة، وتشوحيهم على نار البوتاجاز بزيت عباد الشمس "بدون البصل طبعا والتتبيلة كلها " .






    4 – حضري طاجن فخار كبير وغويط او حلة كبيرة عميقة.. وتدهنيه كويس أوى بمعلقة كبيرة زبدة صفرة (جامدة) وتدهني القاع والجوانب.






    5 – ثم حطي عليها كمية من الرز( حوالي نصف كوب ) في قاع الطاجن بحيث يغطى الرز القاع فقط.






    6 – ثم وزعي قطع - البط التمانية المشوحة- على الرز.. وبعدين حطي باقي الرز ( حوالي كوب ونصف ) على قطع البط.






    7 – تم صبى باقي اللبن ( حوالي كوب ونصف) على قطع البط بحيث تغطيها.. ثم كوب الماء.






    8 – رشي فلفل اسود مطحون كتير على وش الطاجن.. مع شوية ملح.. مع قطع زبدة.






    9 – ضعي الطاجن في قاع فرن البوتاجاز
    (عند الصاج) على أعلى درجة للفرن بدون غطاء حتى يتشرب الرز اللبن والماء.. ويتحمر وش الطاجن.


    "وده بياخد من نصف ساعة الى تلات أربع ساعة





    10 – نضع الطاجن بعد مايتحمر وشه في صينية بها ميه سخونة " لازم ميه سخونة"ونغطيه بالفويل كويس اوى..


    ونضع الطاجن تانى في الفرن ولكن المرة دي على اقل درجة للفرن ومتغطى.. ونتركه حتى تمام السوي
    "وده ياخد حوالى من 2.5 الى 3 ساعات "





    [ندعوك للتسجيل في المنتدى أو التعريف بنفسك لمعاينة هذا الرابط]





    وبعد كده كلى بط زبدة..



    اى والله زبدة



    وبالهنا والشفا



    وتبقوا تدعولى وتقييموا الطاجن





    ملحوظتان مهمان


    - كل ما ميه الصينية تخلص.. حطي مية سخونة تانى فيها حتى تمام السوي.. (لازم ميه سخونة علشان مايتشرخش الطاجن )
    - خلى بالك من نار الفرن تكون على أقل درجة وترقبيها كل شوية وتوطيها إذا ارتفعت ( مهمة جدا الملحوظة دى)


    [ندعوك للتسجيل في المنتدى أو التعريف بنفسك لمعاينة هذا الرابط]


    _________________
    [ندعوك للتسجيل في المنتدى أو التعريف بنفسك لمعاينة هذا الرابط]
    avatar
    دموع حزينة
    عضو ملكي
    عضو ملكي


    عدد المساهمات : 161
    تاريخ التسجيل : 09/08/2010
    العمر : 37

    رد: طاجن بط بالارز

    مُساهمة من طرف دموع حزينة في الأربعاء أكتوبر 20, 2010 3:53 pm

    cyclops cyclops cyclops اه على بطك يا اميرة
    اسالينى منا مجربها ومقولكيش على النتيجة confused confused

      الوقت/التاريخ الآن هو الأحد نوفمبر 19, 2017 6:07 am