خلي بالك من زوزو

ممرحبا بك أختي الكريمة في منتدى خلي بالك من زوزو – منتدى نسائي للمرأة فقط حيث يمكنك قضاء أوقات مفيدة وممتعة مع أخواتك وتكوين صداقات جديدة ومشاركتهن في كل الاهتمامات لكم من مدام زوزو كل الود والاحترام
خلي بالك من زوزو

منتدى نسائي عربي خاص بكل مايهم المراة العربية


    احلى فلافل محشية

    شاطر
    avatar
    اميرة القلوب
    عضو ملكي
    عضو ملكي


    عدد المساهمات : 225
    تاريخ التسجيل : 09/08/2010

    احلى فلافل محشية

    مُساهمة من طرف اميرة القلوب في الأربعاء سبتمبر 15, 2010 5:38 pm

    مقادير العجينه

    نص كيلو فول مدشوش(مقشر) منقوع قبلها بيوم في ميه

    كوبين ونصف - 3 أكواب كرات مقطعه(حزمتين ثلاثه كبار)
    هو اللي بيدي اللون الأخضر الجميل للفلافل

    حزمه صغيره خالص او كام عود كسبره خضراء مقطعه للطعم فقط
    بلاش تكتروا من الكسبره الخضرا علشان هي اللي بتسود الطعميه بعد القلي

    2 بصله خضراء صغيره مقطعه بالورق الاخضر بتاعها
    راس ثوم مقشره
    بصله متوسطه مقطعه

    الطريقه

    صفي الفول من الميه بتاعته كويس جدا واضغطي عليه
    قطعي الخضار واخلطيهم مع الفول

    [ندعوك للتسجيل في المنتدى أو التعريف بنفسك لمعاينة هذه الصورة]

    افرميهم في مفرمة اللحمه مع بعض وكرري عملية الفرم حوالي 5-6 مرات(حسب قوة الماكينه عندك) حتى تنعم خالص

    [ندعوك للتسجيل في المنتدى أو التعريف بنفسك لمعاينة هذه الصورة]

    وهتحسي انها اصبحت هشه وهوائيه

    [ندعوك للتسجيل في المنتدى أو التعريف بنفسك لمعاينة هذه الصورة]

    ثم لو حبيتي تزودي في ضربها اضربيها مره ثانيه في كبة الخلاط (اللي بنفرم فيها البصل) حتى تصبح هشه وناعمه زياده

    اللي ماعندهاش مفرمة اللحمه ممكن تستخدمي كبة الخلاط في طحنها وتنعميها كويس جدا ..
    او بطريقه تانيه أسهل هاقولها في اخر الموضوع


    قسميها في أكياس واحفظيها في الفريزر

    ملاحظات:
    لا تضيفي الملح و الكسبره الناشفه والبكنج صودا أو البكنج بودر الا قبل القلي مباشرة لان الملح بيخليها تنزل ميه والكسبره بتغمقها
    وما تزوديش الكسبره الناشفه او الكسبره الخضرا علشان ما تغمقش في القلي
    الافضل انك تعملى كميه بسيطه اول باول علشان تقليها وهي لسه مطحونه ..علشان تصبح هشه ومنتفخه
    لو هتطحنيها في كبة الخلاط ممكن تضيفي شوية ميه صغيرين خااالص علشان يساعد على الفرم
    ولما تطحن حطيها في مصفاه او شاشه تنزل ميتها ودخليها الثلاجه علشان لو فيها ميه هتفك في الزيت


    كده احنا جهزنا العجينه ... نيجي بقى للحشو

    حشو الفلافل

    بصله كبيره مبشوره
    معلقتين كبار بابريكا (فلفل ارناؤطي = فلفل احمر حلو مطحون)
    وهو ده اللي بيديها اللون الغامق والطعم زي بتاع المطاعم
    معلقة صغيره شطه او حسب الرغبه
    رشة ملح

    في معلقتين زيت على النار هنحمر البصله لحد لما يبقى لونها دهبي ..
    وبعدين نضيف لها معلقتين ميه (شوية صغيرين خاالص) علشان تطرى وتستوي
    ونسيبها على النار لحد لما تشرب الميه وتنشف
    نسيبها تبرد على جنب

    [ندعوك للتسجيل في المنتدى أو التعريف بنفسك لمعاينة هذه الصورة]

    ونضيف لها البابريكا والشطه ورشة الملح ونقلبهم هتبقى بالشكل ده

    [ندعوك للتسجيل في المنتدى أو التعريف بنفسك لمعاينة هذه الصورة]

    -------------------------
    نحشي الفلافل زي في الصور ونغطيها بالسمسم

    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذه الصورة]

    ونقليها في زيت غزير متوسط الحراره علشان مش تتحرق ..
    وتتقدم بالهنا والشفا

    [ندعوك للتسجيل في المنتدى أو التعريف بنفسك لمعاينة هذه الصورة]

    هنا الحشو داخل الفلافل بعد ما اتقلت ولونها اخضر جميل ازاي

    [ندعوك للتسجيل في المنتدى أو التعريف بنفسك لمعاينة هذه الصورة]

    ===================
    نيجي بقى للهديه وهي اسهل طريقه للطعميه

    جربناها قريب .. وعجبتنا ومناسبه للي مش عندهم مفرمه ولا كبة في الخلاط

    هتجيبي من عند العطار نص كيلو فول مدشوش مطحووون .. بيبقى بودره خشنه شويه
    وبنفس المقادير
    الكرات والكسبره والبصل الاخضر والبصل العادي والثوم وكل الخضره اضربيهم في كوباية الخلاط مع كوباية ميه صغيره
    لحد لما ينعموا خالص ويبقوا زي العصير التقيل
    حطيهم في طبق او في الكبه وضيفي لهم الفول المطحوون وقلبي لحد لما تتكون عندك العجينه
    سيبيها شويه في الثلاجه

    واقليها بعد ما تظبطي الملح والكسبره الناشفه ورشة كربونات صودا


    _________________
    [ندعوك للتسجيل في المنتدى أو التعريف بنفسك لمعاينة هذه الصورة]

      الوقت/التاريخ الآن هو الخميس سبتمبر 21, 2017 10:41 pm